Сёньня Царква цэлебруе
Серада, XXVIII тыдзень году
Сьв. Ядзьвігі, законьніцы
S. Margaritae Mariae Alacoque, virginis
Шчасьлівыя чыстыя сэрцам, бо яны Бога ўбачаць. *
Шчасьлівыя міратворцы, бо яны будуць названыя сынамі Божымі. *
Шчасьлівыя, каго перасьледуюць за справядлівасьць, бо іх ёсьць Валадарства Нябеснае.
Не зайздросьць ліхадзеям *
і не насьледуй тым, што робяць несправядлівасьць.
Спадзявайся на Бога і рабі дабро, *
і будзеш жыць на зямлі і даглядацца вераю.
Лепшая дробязь у справядлівага, *
чым вялікі дастатак у грэшнікаў.
Вызначыў Госпад дні беззаганных, *
і спадчына іх будзе навечна.
Не пасаромеюцца яны ў ліхую часіну *
і ў дні голаду будуць насычаны.
Крок чалавека спасіляецца Госпадам, *
і ахвотна пойдзе той шляхам Яго.
Ухіляйся ад ліха і рабі дабро, *
і будзеш ты жыць у вяках.
Хвала Айцу і Сыну…