Сёньня Царква цэлебруе
Серада, XXVIII тыдзень году
Сьв. Ядзьвігі, законьніцы
S. Margaritae Mariae Alacoque, virginis
Ідзіце і спажывайце тлустыя стравы ды піце мёд, *
ды пасылайце частку тым, якія не прыгатавалі сабе, *
бо сьвяты ёсьць гэты дзень для Госпада нашага; і не сумуйце, *
бо радасьць у Госпадзе — гэта сіла ваша.
Радуйцеся Богу, Успаможцу нашаму, *
гучна ўслаўляйце Бога Якубава.
Вазьміце псалтыр і дайце бубен, *
мілагучныя гусьлі з цытрай.
Бо ёсьць пастанова ў Ізраэлі, *
прыказаньне ў Бога Якубава.
Але Я — Госпад, Бог твой, †
Які вывеў цябе зь зямлі Эгіпецкай! *
Адкрый вусны свае, і Я напоўню іх.
О, каб народ Мой Мяне паслухаў, *
каб Ізраэль хадзіў па Маіх дарогах!
І карміў бы Я іх адборнай пшаніцай *
і насычаў бы іх мёдам са скалы.
Хвала Айцу і Сыну…