Сьвятой сям'і: Ісуса, Марыі і Язэпа

Паўстае Бог, і рассейваюцца непрыяцелі Яго; *
і ўцякаюць ад аблічча Яго тыя, што ненавідзяць Яго.

Як рассейваецца дым, Ты рассееш іх; †
як плавіцца воск ад агню, *
так згінуць грэшнікі ад Бога.

Справядлівыя ж будуць весяліцца і радавацца перад Богам *
і адчуюць асалоду ў весялосці.

Спявайце Богу, спявайце псальм імю Яго; †
учыніце дарогу Таму, Які ўзносіцца над аблокамі: *
імя Яму — Госпад. Усклікайце радасна перад Ім;

Пралі сьвятло аблічча Твайго над слугою Тваім, *
збаў мяне ў міласэрнасьці Тваёй.

Госпадзе, ня дай сумецца мне, бо я клічу Цябе; *
хай асаромяцца бязбожнікі, хай яны ў пекла сыдуць.

Хай занямеюць вусны ілжывыя, †
якія нягодныя рэчы гавораць з пыхаю і пагардай *
супраць справядлівага.

Госпад — светач мой і збаўленне маё —, *
каго я буду баяцца?

Аднаго толькі папрасіў я ў Госпада, †
да гэтага буду імкнуцца, *
каб пасяліцца ў доме Госпада на ўсе дні жыцця майго,

каб бачыць асалоду Госпадаву, *
каб наведваць святыню Яго.

Бо схавае Ён мяне ў ліхі дзень у палатцы Сваёй. †
Скрые Ён мяне ў патаемнасці шатра Свайго, *
на скале Ён узвысіў мяне.

Пра Цябе прамовіла сэрца маё: †
«Вышуквайце аблічча Маё!» *
Аблічча тваё, Госпадзе, буду вышукваць.

Веру, што пабачу даброты Госпада *
ў зямлі жывых.