Сьвв. Немаўлятаў, мучанікаў

З вуснаў дзяцей, Божа, і немаўлятаў *

Ты ўчыніў сабе хвалу дзеля ворагаў Тваіх.

Псальм 9 (8)

1. Госпадзе, Госпад наш, *
   якое дзівоснае імя Тваё па ўсёй зямлі!

2. Бо велічнасьць Твая ўзьнялася *
   вышэй за нябёсы.

3. Хвала Айцу і Сыну…

Душа наша, як верабей, вырвалася з сіла птушкаловаў: *

сіло парвалася, а мы вызваліліся.

Псальм 124 (123)

1. Калі б не Гасподзь быў з намі, *
   — хай скажа Ізраіль, —

   калі б не Гасподзь быў з намі, *
   калі паўсталі на нас людзі, —

   дык жывых нас яны праглынулі б, *
   калі загарэлася ў іх ятра на нас;

2. воды патапілі б нас, *
   паток прайшоў бы над душою нашаю;

   прайшлі б над душою нашаю *
   воды бурлівыя.

   Дабраславёны Гасподзь, *
   Які ня даў нас на здабычу іхнім зубам!

3. Хвала Айцу і Сыну…

Голас у Раме чутны, *

плач і лямант вялікі. *

Рахэль аплаквае дзяцей сваіх *

і не хоча суцешыцца, бо іх няма.