S. Hieronymi, presbyteri et Ecclesiae doctoris

Сёньня Царква цэлебруе

Сьв. Цэцыліі, дзевы і мучаніцы

  1. Галоўная
  2. Сьпевы
  3. Успаміны
  4. S. Hieronymi, presbyteri et Ecclesiae doctoris
Introitus


In medio Ecclesiae

Перад людам Божым адкрыў Пан вусны ягоныя *

і напоўніў яго духам мудрасьці і розуму, *

і апрануў яго ў вопратку хвалы.

Псальм 92 (91)

  1. Як жа добра вызнаваць Госпада *
    і сьпяваць псальмы імю Твайму, Найвышэйшы!

    Раніцай абвяшчаць Тваю міласэрнасьць, *
    і праўду Тваю — уначы.

  2. На дзесяціструнным, і на гусьлях, *
    са сьпевам пад цытру.

    Бо пацешыў Ты мяне, Госпадзе, Сваім стварэньнем, *
    і я буду радавацца справам рук Тваіх.

  3. Якія ж велічныя справы Твае, Госпадзе: *
    надзвычай глыбокімі сталіся задумы Твае!

    Неразумны чалавек не спазнае *
    і бязглузды не зразумее гэтага.

  4. Няхай грэшныя разрастуцца, як трава, †
    і будуць квітнець усе тыя, што чыняць несправядлівасьць, *
    аднак гэта будзе ім на згубу на векі вечныя;

  5. Хвала Айцу і Сыну…

Offertorium


Iustus ut palma

Справядлівы заквітнее, як пальма, *

вырасьце, быццам кедр на Лібане.

Псальм 92 (91)

  1. Як жа добра вызнаваць Госпада *
    і сьпяваць псальмы імю Твайму, Найвышэйшы!

Communio


Notas mihi fecisti

Ты дарогу жыцьця мне пакажаш, *

паўната радасьці перад Табою, Госпадзе.

Псальм 16 (15)

  1. Захавай мяне, Божа, *
    бо я на Цябе спадзяюся.

  2. Сказаў я Госпаду: «Ты — Госпад мой, *
    няма для мяне дабра без Цябе».

  3. Госпад — доля спадчыны маёй і келіха майго: *
    Ты той, Хто трымае лёс мой.

  4. Межы мае выпалі ў месцах прыемных, *
    і спадчына мая — выдатная для мяне.

  5. Ставіў я Госпада перад вачамі маімі заўсёды; *
    калі Ён праваруч мяне, нічога не баюся.

  6. Дзеля таго ўзрадавалася сэрца маё і ўзьвесялілася душа мая; *
    звыш таго, і цела маё супакоіцца ў спадзяваньні.

  7. Бо не пакінеш душы маёй у пекле *
    ды не дасі сьвятому Твайму ўбачыць парахненьне.

  8. Хвала Айцу і Сыну…