Сёньня Царква цэлебруе
Серада, XXVIII тыдзень году
Сьв. Ядзьвігі, законьніцы
S. Margaritae Mariae Alacoque, virginis
Гасподзь заключыў зь ім запавет супакою *
і зрабіў яго князем; *
каб яму належала годнасьць сьвятарства ў векі.
Спамяні, Госпадзе, Давіда, *
і ўсе ягоныя пакуты:
як ён прысягаў Госпаду, *
даваў зарок Моцнаму Якава;
«не ўвайду ў палатку дома майго, *
ня ўзыду на ложак мой;
ня дам сну вачам маім *
і павекам маім дрымоты,
пакуль не знайду месца Госпаду, *
жытлішча Моцнаму Якава».
Стань, Госпадзе, на месца пакою Твайго, *
Ты і каўчэг магутнасьці Тваёй.
Сьвятары Твае апранаюцца ў праўду, *
і сьвятыя Твае ўзрадуюцца.
Хвала Айцу і Сыну…
Праўда Мая і ласка Мая зь ім; *
І Маім імем узвысіцца рог ягоны.
Калісьці казаў Ты ва ўяве *
сьвятому Твайму і сказаў:
«Я дапамог мужнаму, *
узьнёс абранца з народу.
Я здабыў Давіда, раба Майго, *
сьвятым алеем Маім памазаў яго.
Рука Мая будзе зь ім, *
і мышца Мая ўмацуе яго.
Вораг не пераможа яго, *
і сын беззаконьня ня ўцісьне яго.
Скрышу перад ім ворагаў ягоных, *
і паб’ю ненавісьнікаў ягоных.
Хвала Айцу і Сыну…