Богаяўленьня — Імша ўдзень

Божа! даруй цару Твой суд *
і сыну цара Тваю праўду,

няхай судзіць людзей Тваіх справядліва *
і ўбогіх Тваіх на судзе;

Цары Тарсіса і выспаў *
даніну яму паднясуць;

цары Аравіі і Савы *
дары паднясуць;

і паклоняцца яму ўсе цары; *
усе народы будуць служыць яму;

бо вызваліць ён убогага, што галосіць, *
і прыгнечанага, што дапамогі ня мае,

умілажаліцца з гаротніка ўбогага, *
і душы гаротнікаў уратуе;

ад хітрыны і гвалту вызваліць душы іхнія, *
і каштоўнаю будзе кроў перад вачыма ягонымі;

Божа! даруй цару Твой суд *
і сыну цара Тваю праўду,

няхай судзіць людзей Тваіх справядліва *
і ўбогіх Тваіх на судзе;

няхай прынясуць горы мір людзям *
і пагоркі праўду;

няхай судзіць убогіх народу, †
няхай выратуе сыноў убогага, *
і суйме прыгнятальніка,

і будуць баяцца Цябе, †
пакуль будуць сонца і месяц, *
у роды родаў.

Божа! даруй цару Твой суд *
і сыну цара Тваю праўду,

няхай судзіць людзей Тваіх справядліва *
і ўбогіх Тваіх на судзе;

няхай прынясуць горы мір людзям *
і пагоркі праўду.

У дні ягоныя праведнік будзе цьвісьці, *
і будзе вялікі спакой, пакуль ня спыніцца месяц:

ён будзе валадарыць ад мора да мора *
і ад ракі да краёў зямлі;

цары Тарсіса і выспаў даніну яму паднясуць; *
цары Аравіі і Савы дары паднясуць;

і паклоняцца яму ўсе цары; *
усе народы будуць служыць яму;

бо вызваліць ён убогага, што галосіць, *
і прыгнечанага, што дапамогі ня мае,

будзе імя ягонае дабраславёнае навечна; *
пакуль сонца жыве, будзе перадавацца імя ягонае;

і дабраславяцца ў ім усе плямёны зямныя, *
усе народы будуць злагоджваць яго.

Дабраславёны Гасподзь Бог, Бог Ізраілеў, *
адзіны, Хто творыць цуды,