I Нядзеля Адвэнту

Пакажы мне, Госпадзе, дарогі Твае, *
наставі мяне на сьцежкі Твае.

Накіруй мяне на праўду Тваю, і навучы мяне, †
бо Ты Бог ратунку майго; *
на Цябе спадзяюся кожны дзень.

Успомні шчадроты Твае, Госпадзе, †
і міласэрнасьць Тваю, *
бо спрадвеку яны.

Грахоў маладосьці маёй *
і злачынстваў маіх не ўспамінай;

з ласкі Тваёй успомні мяне Ты, Госпадзе, *
дзеля даброці Тваёй!

Накіруй мяне на праўду Тваю, і навучы мяне, †
бо Ты Бог ратунку майго; *
на Цябе спадзяюся кожны дзень.

Успомні шчадроты Твае, Госпадзе, †
і міласэрнасьць Тваю, *
бо спрадвеку яны.

Добры і справядлівы Гасподзь; *
таму настаўляе грэшных на шлях,

вядзе пакорлівых да праўды, *
і навучае ціхмяных шляхам Сваім.

Госпадзе! Ты ўмілажаліўся зь зямлі Тваёй, *
вярнуў палон Якаваў;

беззаконьне народу Твайго дараваў, *
усе грахі ягоныя пакрыў,

гнеў Твой увесь суняў, *
усе грахі ягоныя пакрыў,

Узнаві нас, Божа ратунку нашага, *
і спыні абуранасьць Тваю намі.

Сапраўды, выратаваньне Ягонае блізкае тым, хто баіцца Яго, *
каб слава Ягоная жыла ў нашай зямлі.

Вернасьць і мілата сустрэнуцца, *
справядлівасьць і мір пацалуюцца;

зь зямлі вернасьць вырасьце, *
а справядлівасьць прыхіліцца зь неба;

і Гасподзь дабрадзенства ўдзеліць, *
і ўродзіць зямля наша плод свой;

прад Ім справядлівасьць пойдзе, *
і дарогу нам вызначыць крокам Ягоным.