III Нядзеля Адвэнту

Госпадзе! Ты ўмілажаліўся зь зямлі Тваёй, *
вярнуў палон Якаваў;

беззаконьне народу Твайго дараваў, *
усе грахі ягоныя пакрыў,

гнеў Твой увесь суняў, *
адвярнуў лютасьць гневу Твайго.

Узнаві нас, Божа ратунку нашага, *
і спыні абуранасьць Тваю намі.

Няўжо вечна будзеш гневацца на нас, *
і пашырыш Твой гнеў з роду ў род?

Няўжо зноў не ажывіш нас, *
каб народ Твой зарадаваўся Табе?

Пакажы нам, Госпадзе, ласку Тваю, *
і даруй нам выратаваньне Тваё.

Беззаконьне народу Твайго дараваў, *
усе грахі ягоныя пакрыў,

гнеў Твой увесь суняў, *
адвярнуў лютасьць гневу Твайго.

Узнаві нас, Божа ратунку нашага, *
і спыні абуранасьць Тваю намі.

Няўжо вечна будзеш гневацца на нас, *
і пашырыш Твой гнеў з роду ў род?

Няўжо зноў не ажывіш нас, *
каб народ Твой зарадаваўся Табе?

Пакажы нам, Госпадзе, ласку Тваю, *
і даруй нам выратаваньне Тваё.

Паслухаю, што скажа Гасподзь Бог. †
Ён скажа мір народу Свайму і выбранцам Сваім; *
і няхай не ўпадуць яны зноў у неразважлівасьць.

Сапраўды, выратаваньне Ягонае блізкае тым, хто баіцца Яго, *
каб слава Ягоная жыла ў нашай зямлі

Разьвесяліцца пустыня і сухая зямля, *
і зарадуецца краіна ненаселеная і расквітнее як нарцыс;

цудоўна будзе цьвісьці і радавацца, *
будзе ўрачысьціцца і сьвяткаваць;

слава Лівана дасца ёй, *
хараство Карміла і Сарона;

яны ўбачаць славу Госпада, *
веліч Бога нашага.

Умацуйце аслабелыя рукі, *
і ўцьвердзіце калені дрыготкія;

Тады адамкнуцца вочы сьляпых, *
і вушы глухіх расчыняцца.

Тады кульгавы падхопіцца, як алень, *
і язык нямка засьпявае;

бо праб’юцца воды ў пустыні *
і ў стэпе патокі.

І ператворыцца прывід водаў у возера, *
і спрагненая зямля — у крыніцы водаў;

у жытлішчы шакалаў, дзе яны спачываюць, *
будзе месца пад трысьнёг і чарот.