Хросту Гасподняга

Вымавіла сэрца маё добрае слова, †
распавядаю я пра творы мае цару; *
язык мой — пяро пісара, які спрытна піша.

Прыгажэйшы ты выглядам між сыноў людзкіх, †
разьлілася ласка на тваіх вуснах, *
таму дабраславіў цябе Бог павечна.

Прыперажы меч твой да паясьніцы тваёй, о наймагутнейшы, — *
гонар твой і красу!

У красе тваёй выйдзі наперад, †
узыдзі на калясьніцу дзеля праўды, літасьцівасьці і справядлівасьці, *
і хай кіруе табою мужная твая правіца,

Вызнавайце Госпада, бо Ён добры, *
бо вечная міласэрнасьць Яго.

У бядзе я зьвярнуўся да Госпада, *
і выслухаў мяне Госпад, Які выводзіць на прастору.

Госпад — Успаможца мой; не збаюся, *
бо што зробіць мне чалавек?

Госпад са мною, *
і я з пагардаю зірну на непрыяцеляў маіх.

Прыносьце Госпаду, сыны Божыя, *
прыносьце Госпаду хвалу і магутнасьць.

Прыносьце Госпаду хвалу імя Яго, *
услаўляйце Госпада ў сьвятым зьзяньні.

Голас Госпада над водамі, †
загрымеў Бог велічы: *
Госпад над бязьмежнымі водамі.

Голас Госпада магутны! *
Голас Госпада велічны.

Голас Госпада, Які ламае кедры; *
і паламае Госпад кедры Лібана,

Голас Госпада, Які выкрасае агністае полымя. †
Голас Госпада, Які трасе пустыню, *
і патрасе Госпад пустыню Кадэс.

Госпад трывае па-над патопам, *
і будзе сядзець Госпад як Валадар вечна.

Госпад дасьць сілу Свайму народу, *
Госпад дасьць дабраславеньне народу Свайму ў супакоі.