Папялец

Мілуеш усё, што ёсць, Госпадзе, і нічога не ненавідзіш з таго, што стварыў; *
прабачаеш грахі людзям дзеля раскаяння*
і шкадуеш іх: *
бо Ты Госпад Бог наш.

Псальм 57 (56)

1. Зьлітуйся нада мною, Божа, зьлітуйся нада мной, *
   бо ў Цябе шукае абароны душа мая.
   У засені крылаў Тваіх буду шукаць прытулку, *
   пакуль не міне нядоля.
   

2. Клічу Бога Найвышэйшага, *
   Бога, Які спагадае мне.
   

3. Ён сашле зь неба і вызваліць мяне, *
   Ён аддасьць на ганьбу тых, што тапталі мяне.
   Сашле Бог міласэрнасьць Сваю *
   і праўду Сваю.
   

4. Душа мая ляжыць сярод ільвятаў, *
   што зжыраюць сыноў чалавечых.
   Зубы іх — зброя і стрэлы, *
   а язык іх — востры меч.
   

5. Хвала Айцу і Сыну…

Заменім вопратку нашую на попел і вярэту; *

будзем пасьціцца і плакаць перад Госпадам; *

бо Бог наш шматміласэрны, каб дараваць грахі нашыя.

Паміж бабінцам і ахвярнікам хай плачуць сьвятары і лявіты, службіты Гасподнія, і кажуць: *

Пашкадуй, Госпадзе, пашкадуй народ Свой; *

і не расьсейвай вуснаў тых, што клічуць да Цябе, Госпадзе.

Няхай жа выправім тое, у чым зграшылі зь няведаньня;
Каб не насьціг раптоўна нас дзень сьмерці;
Шукаем месца пакаяньня, але ня можам знайсьці.

* Выслухай, Госпадзе, і зьлітуйся, бо зграшылі мы перад Табой.

℣. Памажы нам, Божа, Збаўца наш, дзеля славы імя Твайго, Госпадзе, вызвалі нас

* Выслухай...

Хвала Айцу і Сыну і Духу Сьвятому.

* Выслухай...