III Нядзеля году

Госпад заваладарыў! Хай радуецца зямля, *
хай весяляцца шматлікія выспы

Аблокі і туман — навокал Яго; *
справядлівасьць і закон — гэта падмурак Яго пасаду.

Агонь ідзе перад Ім *
і паліць наўкола Яго непрыяцеляў.

Маланкі Яго асьвятляюць сусьвет: *
бачыць і трымціць зямля.

Горы, як воск, растапляюцца перад Госпадам, *
перад Госпадам сусьвету.

Нябёсы вяшчаюць справядлівасьць Яго, *
а ўсе народы бачаць Яго хвалу.

Нябёсы прапаведуюць славу Божую, *
і пра дзею рук Ягоных абвяшчае цьвердзь.

Дзень дню перадае слова, *
і ноч ночы адмыкае веды.

Няма мовы, і няма гаворкі, *
дзе ня чуўся б іхні голас.

Па ўсёй зямлі праходзіць іхні гук, *
і па край сьвету словы іхнія.

Ён паставіў у іх жытло сонцу, †
і яно выходзіць, як малады са шлюбных харомаў сваіх, *
радуецца, быццам волат, прабегчы дарогу-прагон:

У бядзе я звярнуўся да Госпада, †
і выслухаў мяне Госпад, *
Які выводзіць на прастору.

Госпад — Успаможца мой; не збаюся, *
бо што зробіць мне чалавек?

Госпад са мною, *
і я з пагардаю зірну на непрыяцеляў маіх.

Лепш бегчы да Госпада, *
чым спадзявацца на чалавека.

Лепш бегчы да Госпада, *
чым давярацца князям.

Госпад заваладарыў! Хай радуецца зямля, *
хай весяляцца шматлікія выспы

Маланкі Яго асьвятляюць сусьвет: *
бачыць і трымціць зямля.

Горы, як воск, растапляюцца перад Госпадам, *
перад Госпадам сусьвету.

Нябёсы вяшчаюць справядлівасьць Яго, *
а ўсе народы бачаць Яго хвалу.

Хай пасаромяцца ўсе, што пакланяюцца ідалам †
і што выхваляюцца балванамі сваімі. *
Пакланіцеся Яму, усе анёлы Яго.

Чуе гэта і весяліцца Сыён, *
і радуюцца гарады Юды дзеля прысудаў Тваіх, Госпадзе.

Бо ты, Госпадзе, праслаўлены на ўвесь сьвет, *
надзвычайна ўзвышаесься Ты над усімі багамі.

Любіць Госпад тых, што ненавідзяць ліха; †
сьцеражэ Ён душы святых, — *
з рукі грэшніка вызваліць іх.

Цесьцеся, справядлівыя, у Госпадзе, *
і вызнавайце памяць святасьці Яго.

Радуйцеся Богу, Успаможцу нашаму, *
гучна ўслаўляйце Бога Якубава.

Вазьміце псалтыр і дайце бубен, *
мілагучныя гусьлі з цытрай.

Бо ёсьць пастанова ў Ізраэлі, *
прыказаньне ў Бога Якубава.

Але Я — Госпад, Бог твой, †
Які вывеў цябе зь зямлі Эгіпецкай! *
Адкрый вусны свае, і Я напоўню іх.

О, каб народ Мой Мяне паслухаў, *
каб Ізраэль хадзіў па Маіх дарогах!

І карміў бы Я іх адборнай пшаніцай *
і насычаў бы іх мёдам са скалы.

Дабрашчасныя — беззаганныя ў дарозе, *
што ходзяць у законе Гасподнім.

Зьнемагла душа мая *
ад жаданьня судоў Тваіх ва ўсялякі час.

Вось, я пажадаў загадаў Тваіх; *
ажыві мяне праўдаю Тваёю.

рукі мае працягну да запаведзяў Тваіх, якія я палюбіў, *
і разважаць пра Твае пастановы.

Добра зрабіў Ты рабу Твайму, Госпадзе, *
паводле слова Твайго.

Якое салодкае слова Тваё майму паднябеньню! *
лепей за мёд вуснам маім.

Душа мая песьціць сьведчаньні Твае, *
і я люблю іх моцна.

Прагну выратаваньня Твайго, Госпадзе, *
і закон Твой суцяшэньне маё.