V Нядзеля году

Прыйдзіце, узрадуемся Госпаду; *
славім гучна Бога збаўленьня нашага.

Успрымем загадзя аблічча Яго, *
у вызнаньні і ў псальмах гучна ўславім Яго.

Бо вялікі Госпад *
вялікі валадар над усімі багамі.

Бо ў руцэ Яго глыбіні зямныя *
і вышыні горныя — у Яго.

Бо ў Яго — мора, і Ён стварыў яго, *
і сушу яго рукі сфармавалі.

О, каб вам сёньня паслухаць голас Яго: †
не закамяняйце сэрцаў вашых,як у Мэрыбе, *
як у дзень спакушэньня ў Масе ў пустыні.

Пачуй, Госпадзе, праўду маю, †
уважы скарзе маёй, *
прымі мальбу з вуснаў неманлівых!

Ад аблічча Твайго хай будзе мне суд; *
хай паглядзяць вочы Твае на справядлівасьць.

Ты праверыў сэрца маё, †
ноччу мяне наведаў, *
выпрабаваў мяне, і не знайшоў анічога;

ад думак маіх не адступаюцца вусны мае. †
У дзеях людзскіх, па слове вуснаў Тваіх, *
я ахоўваў сябе ад шляхоў прыгнятальніка.

Разваж мяне, Божа, †
і ўбарані маю цяжбіну ад нядобрых людзей. *
Ад чалавека падступнага і несправядлівага мяне вызвалі.

Бо Ты Бог цьвярдыні маёй. †
Нашто Ты пакінуў мяне? *
авошта хаджу я і бядую ад варожых зьнявагаў?

Спашлі Тваю праўду, Тваё сьвятло; †
хай вядуць яны мяне *
і завядуць на сьвятую гару Тваю і ў селішчы Твае.

Чаго ж ты журышся, душа мая, *
чаго ты маркоцішся?

Май надзею на Бога; бо я буду славіць Яго, *
Збаўцу майго, і Бога майго.