I тыдзень году

Услаўляйце гучна Госпада, уся зямля, *
служыце Госпаду ў весялосьці;

станавіцеся перад абліччам Яго *
у радасьці.

Ведайце, што Сам Госпад — гэта Бог; *
Ён стварыў нас, дык мы Яго,

мы — народ Яго *
і авечкі пашы Яго.

Уваходзьце ў брамы Яго з вызнаньнем, *
у дзядзінец Яго — з гімнамі,

вызнавайце Яго, *
дабраслаўляйце імя Яго.

Бо добры Госпад; *
міласэрнасьць Яго — навечна,

і праўда Яго — *
з пакаленьня ў пакаленьне.

Ведайце, што Сам Госпад — гэта Бог; *
Ён стварыў нас, дык мы Яго,

мы — народ Яго *
і авечкі пашы Яго.

Уваходзьце ў брамы Яго з вызнаньнем, *
у дзядзінец Яго — з гімнамі,

вызнавайце Яго, *
дабраслаўляйце імя Яго.

Бо добры Госпад; *
міласэрнасьць Яго — навечна,

і праўда Яго — *
з пакаленьня ў пакаленьне.

Захавай мяне, Божа, *
бо я на Цябе спадзяюся.

Сказаў я Госпаду: «Ты — Госпад мой, *
няма для мяне дабра без Цябе».

Госпад — доля спадчыны маёй і келіха майго: *
Ты той, Хто трымае лёс мой.

Межы мае выпалі ў месцах прыемных, *
і спадчына мая — выдатная для мяне.

Ставіў я Госпада перад вачамі маімі заўсёды; *
калі Ён праваруч мяне, нічога не баюся.

Дзеля таго ўзрадавалася сэрца маё і ўзьвесялілася душа мая; *
звыш таго, і цела маё супакоіцца ў спадзяваньні.

Бо не пакінеш душы маёй у пекле *
ды не дасі сьвятому Твайму ўбачыць парахненьне.