XXXIV тыдзень году

Гасподзь абвяшчае супакой свайму народу і сваім сьвятым, *

і тым, хто зьвяртаецца да Яго.

Псальм 85 (84)

1. Госпадзе! Ты ўмілажаліўся зь зямлі Тваёй, *
   вярнуў палон Якаваў;

   беззаконьне народу Твайго дараваў, *
   усе грахі ягоныя пакрыў,

   гнеў Твой увесь суняў, *
   адвярнуў лютасьць гневу Твайго.

2. Узнаві нас, Божа ратунку нашага, *
   і спыні абуранасьць Тваю намі.

   Няўжо вечна будзеш гневацца на нас, *
   і пашырыш Твой гнеў з роду ў род?

   Няўжо зноў не ажывіш нас, *
   каб народ Твой зарадаваўся Табе?

3. Пакажы нам, Госпадзе, ласку Тваю, *
   і даруй нам выратаваньне Тваё.

4. Хвала Айцу і Сыну…

Як жа добра вызнаваць Госпада *

і сьпяваць псальмы імю Твайму, Найвышэйшы.

Псальм 92 (91)

1. Якія ж велічныя справы Твае, Госпадзе: *
   надзвычай глыбокімі сталіся задумы Твае!

2. Неразумны чалавек не спазнае *
   і бязглузды не зразумее гэтага.

3. Няхай грэшныя разрастуцца, як трава, †
   і будуць квітнець усе тыя, што чыняць несправядлівасьць, *
   аднак гэта будзе ім на згубу на векі вечныя;

4. а Ты, Госпадзе, *
   вечна Найвышэйшы.

5. Бо вось, непрыяцелі Твае, Госпадзе, †
   бо вось, непрыяцелі Твае загінуць *
   і расьцярушацца ўсе, што чыняць несправядлівасьць.

Хваліце Госпада, усе народы, *

услаўляйце Яго, усе плямёны; *

бо вялікая ласка Яго над намі, *

і праўда Яго будзе трываць навекі.

1. Хвала Айцу і Сыну…