БЕЗЗАГАННАГА ЗАЧАЦЬЦЯ НАЙСЬВЯЦЕЙШАЙ ДЗЕВЫ МАРЫІ

Радасьцю буду радавацца ў Госпадзе, *

разьвесяліцца душа мая ў Богу маім: *

бо Ён апрануў мяне ў шаты ратаваньня, *

адзеньнем праўды ахінуў мяне, *

як на жаніха ўсклаў вянок *

і, як нявесту, аздобіў убранствам.

Псальм 30 (29)

1. Услаўлю Цябе, Госпадзе, што Ты падняў мяне *
   і ня даў маім ворагам перамагчы мяне.

   Госпадзе Божа мой! я паклікаў Цябе, *
   і Ты мяне вылечыў.

2. Госпадзе! Ты вывеў зь пекла душу маю *
   і ажывіў мяне, каб я не сышоў у магілу.

   Сьпявайце Госпаду, сьвятыя Ягоныя, *
   слаўце памяць сьвятыні Ягонай,

3. бо на хвіліну гнеў Ягоны, *
   на ўсё жыцьцё ўпадабаньне Ягонае:

   увечары пачынаецца плач, *
   а на раніцу — радасьць.

4. Хвала Айцу і Сыну…

Вітай, Марыя, поўная ласкі, *

Пан з табою, *

благаслаўлёная ты між жанчынамі*

і благаслаўлёны плод улоньня Твайго.

Лк 1: 34-3

1. І сказала Марыя анёлу: *
   «Як станецца гэта, калі я мужа не спазнала?»

2. Анёл сказаў Ёй у адказ: †
   «Дух Святы сыдзе на Цябе, *
   і моц Найвышэйшага ахіне Цябе.

   Таму і Святое, што народзіцца, *
   будзе названа Сынам Божым.

3. Вось і Альжбета, сваячка твая, *
   і яна зачала сына ў старасці сваёй;

   і ўжо на шостым месяцы тая, якую называлі бясплоднай,*
   бо для Бога няма нічога немагчымага».

   Тады Марыя сказала: «Вось я, слуга Пана. *
   Няхай мне станецца паводле твайго слова».

4. Хвала Айцу і Сыну…

Славутае абвяшчаецца пра цябе, Марыя.*

Бо вялікае ўчыніў табе Ўсемагутны.

1. Хвала Айцу і Сыну…